ນິຕິກຳ > ນິຕິກຳ > ກົດໝາຍ ລະບຽບ ແຈ້ງການ

ລາຍງານ ແລະ ຂໍ້ມູນ > ລາຍງານ ແລະ ຂໍ້ມູນ > ຜົນກະທົບຈາກການຜັນຜວນຂອງອັດຕາແລກປ່ຽນ

> ຜົນກະທົບການຜັນຜວນ > ຄວາມຜັນຜວນຂອງອັດຕາແລກປ່ຽນ ຈະສົ່ງຜົນກະທົບຫຼາຍດ້ານ ທັງໃນລະດັບ ບຸກຄົນ, ນິຕິບຸກຄົນ, ອົງກອນ ແລະ ເສດຖະກິດໂດຍລວມ ດັ່ງລຸ່ມນີ້: 1.ສະພາບເສດຖະກິດຄວາມຜັນຜວນຂອງອັດຕາແລກປ່ຽນ ອາດສົ່ງຜົນຕໍ່ອັດຕາເງິນເຟີ້, ການເຕີບໂຕຂອງ GDP ແລະ ການບໍລິໂພກພາຍໃນປະເທດ ເຮັດໃຫ້ລັດຖະບານ ແລະ ທະນາຄານກາງຕ້ອງເຮັດວຽກໜັກເພື່ອຮັບມືກັບກັບສະຖານະການດັ່ງກ່າວ. 2.ທຸລະກິດການນຳເຂົ້າ-ສົ່ງອອກຫາກອັດຕາແລກປ່ຽນມີການຜັນຜວນແຮງ ຈະສົ່ງຜົນໃຫ້ຕົ້ນທືນການນໍາເຂົ້າ ແລະ ສົ່ງອອກ ປ່ຽນແປງເຊັ່ນ: ຜູ້ສົ່ງອອກຈະໄດ້ກຳໄລໜ້ອຍລົງເມື່ອຄ່າເງິນໃນປະເທດແຂງຄ່າຂື້ນ ຫຼື ຜູ້ບໍລິໂພກຈະໄດ້ຊື້ສິນຄ້າແພງຂື້ນເມື່ອຄ່າເງິນອ່ອນລົງ. 3.ນັກລົງທືນ ແລະ ຕະຫຼາດທືນ ຄວາມຜັນຜວນຂອງອັດຕາແລກປ່ຽນອາດສົ່ງຜົນເຖິງຄວາມບໍ່ແນ່ນອນ ຂອງມູນຄ່າການລົງທືນ ໂດຍສະເພາະຊັບສິນ ທີ່ກ່ຽວຂ້ອງກັບເງິນຕາຕ່າງປະເທດ ເຊັ່ນ: ຮຸ້ນ, ພັນທະບັດ, ສິນຄ້ານໍາເຂົ້າທີ່ເປັນວັດຖຸດິບຕ່າງໆ. 4.ການທ່ອງທ່ຽວ ນັກທ່ອງທ່ຽວຕ່າງປະເທດອາດໄດ້ຮັບຜົນກະທົບຈາກອັດຕາແລກປ່ຽນ ເຊັ່ນ: ຄ່າໃຊ້ຈ່າຍສູງຂື້ນ ຫຼື ຕໍ່າລົງຕາມລະດັບຄວາມຜັນຜວນ.

ພາລະບົດບາດ > ກ່ຽວກັບ > ພາລະບົດບາດ > ພາລະບົດບາດຂອງ ບໍລິສັດ ຕລຕ ແມ່ນ ອະນຸຍາດໃຫ້ບຸກຄົນ, ນິຕິບຸກຄົນ ແລະ ອົງການຈັດຕັ້ງຕ່າງໆ ເຂົ້າມາແລກປ່ຽນຊື້-ຂາຍ ເງິນຕາຕ່າງປະເທດ ໃນຮູບແບບທັນທີ, ໂດຍສາມາດ ນໍາໃຊ້ຜ່ານຊ່ອງທາງອອນລາຍທີ່ບັນດາທະນາຄານທຸລະກິດສາມາດໃຫ້ບໍລິການໄດ້ເຊັ່ນ: ຜ່ານຊ່ອງທາງ ແອັບພລີເຄຊັນເທິງມືຖື ຜ່ານລະບົບ Mobile Banking ຫຼື ຜ່ານເວບບຼາວເຊີທາງຄອມພິວເຕີ Internet Banking ເຊິ່ງສາມາດແລກປ່ຽນໄດ້ 3 ສະກຸນເງິນໂດຍຜ່ານເງິນກີິບ ຄື: ເງິນໂດລາ, ເງິນບາດ ແລະ ເງິນຢວນ. ປະຈຸບັນນີ້ ມີທະນາຄານທຸລະກິດຈໍານວນ 09 ແຫ່ງ ທີ່ເປັນສະມາຊິກຂອງ ຕະຫຼາດແລກປ່ຽນເງິນຕາຕ່າງປະເທດລາວ ແລະ ສາມາດໃຫ້ບໍລິການກັບລູກຄ້າຂອງຕົນ ຄື: ທະນາຄານ ການຄ້າຕ່າງປະເທດລາວ ມະຫາຊົນ, ທະນາຄານ ສົ່ງເສີມກະສິກຳ ຈໍາກັດ, ທະນາຄານ ເອັສທີ ຈຳກັດ, ທະນາຄານ ບີໄອຊີ ລາວ ຈຳກັດ, ທະນາຄານ ພັດນາລາວ ຈຳກັດ, ທະນາຄານ ຮ່ວມທຸລະກິດ ລາວ-ຫວຽດ ຈຳກັດ, ທະນາຄານ ລາວ-ຝຣັ່ງ ຈຳກັດ, ທະນາຄານ ຮ່ວມພັດທະນາ ຈຳກັດ ແລະ ທະນາຄານອິນໂອຈີນ ຈຳກັດ

ໂຄງຮ່າງການຈັດຕັ້ງ > ກ່ຽວກັບ > ໂຄງຮ່າງການຈັດຕັ້ງ >

ແຈ້ງການ > ນິຕິກຳ > ແຈ້ງການ > Document.pdf Document.pdf

ລະບຽບການ > ນິຕິກຳ > ລະບຽບ >

LFX ຮອງຮັບ 4 ສະກຸນເງິນ Home ຄວາມສາມາດອັນໂດດເດັນຢ່າງໜື່ງຂອງລະບົບແລກປ່ຽນເງິນຕາຕ່າງປະເທດ LFX ແມ່ນສາມາດຮອງຮັບໄດ້ຫຼາຍສະກຸນເງິນເຊິ່ງເຮັດໃຫ້ການແລກປ່ຽນເງິນຕາເປັນເລື່ອງງ່າຍ ແລະ ສະດວກຍິ່ງຂື້ນ ບໍ່ວ່າທ່ານຈະເດີນທາງ, ປະກອບທຸລະກິດ ຫຼື ເຮັດທຸລະກຳໂອນເງິນລະຫວ່າງປະເທດ. LFX ຊ່ວຍໃຫ້ທ່ານເຂົ້າເຖິງ 4 ສະກຸນເງິນໄດ້ແກ່ ກີບ (LAK), ໂດລາ (USD) ບາດ (THB) ແລະ ຢວນ (CNY) ໄດ້ຢ່າງວ່ອງໄວ, ປອດໄພ ແລະ ໄດ້ວົງເງິນສູງທ່ານສາມາດນຳໃຊ້ບໍລິການ LFX ເພື່ອແລກປ່ຽນເງິນຕາຜ່ານ Application Mobile Banking ນຳທະນາຄານ ສະມາຊິກດັ່ງລຸ່ມນີ້: -BCELBank ຜ່ານ BCEL One -APBANK ຜ່ານ APB Meporm -BICBank ຜ່ານ BIC I-banking -LDBBank ຜ່ານ LDB Trust -STBANK ຜ່ານ ST Hub -JDBBank ຜ່ານ JDB Yes -LaoVietBank ຜ່ານ LVB DigiBank -bflbredgroup ຜ່ານ BFL Connect

ເປົ້າໝາຍ ແລະ ຈຸດປະສົງ > ກ່ຽວກັບ > ເປົ້າໝາຍ ແລະ ຈຸດປະສົງ > ຈຸດປະສົງຫຼັກຂອງ LFX •ຫຼຸດຕົ້ນທືນໃນແລກປ່ຽນ •ເພີ່ມຄວາມໝັ້ນຄົງທາງດ້ານການເງິນ •ສະໜັບສະໜູນການຂະຫຍາຍຕົວເສດຖະກິດຂອງປະເທດລາວ •ເພີ່ມຄວາມໂປ່ງໃສໃນການແລກປ່ຽນເງິນຕາຄໍາອະທິບາຍລາຍລະອຽດ: - ຫຼຸດຕົ້ນທືນການແລກປ່ຽນ ເປັນຕົ້ນແມ່ນ ຄ່າທໍານຽມທີ່ຕ່ຳກວ່າສໍາລັບການປ່ຽນເງິນ (USD, THB, CNY, LAK), ນອກນັ້ນຍັງສາມາດຊ່ວຍຫຼຸດຜ່ອນເວລາ ແລະ ຄ່າໃຊ້ຈ່າຍ. - ເພື່ອເພີ່ມຄວາມໝັ້ນຄົງທາງດ້ານການເງິນ ເຊິ່ງຈະຊ່ວຍເຮັດໃຫ້ເງິນກີບ ມີຄວາມໝັ້ນຄົງ ແລະ ຊ່ວຍ ຫຼຸດຜ່ອນການປ່ຽນແປງຂອງອັດຕາແລກປ່ຽນເງິນຕາຕ່າງປະເທດ. - ສະໜັບສະໜູນເສດຖະກິດລາວ ໂດຍການອໍານວຍຄວາມສະດວກໃນການແລກປ່ຽນເງິນຕາຕ່າງປະເທດເພື່ອການຄ້າ ແລະ ການລົງທືນ. - ເພີ່ມຄວາມໂປ່ງໃສໃນການແລກເງິນຕາ ດ້ວຍການກຳນົດອັດຕາແລກປ່ຽນທີ່ໂປ່ງໃສ ແລະ ຍຸຕິທຳ, ຊ່ວຍໃຫ້ສັງຄົມມີຄວາມສະຫງົບ, ຫຼຸດຜ່ອນການແລກປ່ຽນໃນຕະຫຼາດນອກລະບົບ ແລະ ການສໍ້ໂກງໃນສັງຄົມ.